2000-იანი წლების დასაწყისში, როდესაც “რიტუალების სასახლის” შენობა დავიწყებას მიეცა, მას მეორე სიცოცხლე აჩუქა ბადრი პატარკაციშვილმა და მისმა მეუღლემ, ინნა გუდავაძემ. მათ ითავეს ამ უნიკალური არქიტექტურის გადარჩენა და მისი სრული რესტავრაცია. სწორედ ამ პერიოდში დაიბადა ახალი სახელი - არკადია.

დღეს „არკადია“ მრავალფეროვანი სივრცეების ერთიანობაა, სადაც თითოეული ოთახი ინდივიდუალური დიზაინითა და საკუთარი ისტორიით გამოირჩევა. წლების განმავლობაში ეს ადგილი გავლენიანი ადამიანების შეხვედრისა და გარდამტეხი გადაწყვეტილებების მიღების ეპიცენტრად იქცა.